لاہور (کامرس رپورٹر) فیڈرل بورڈ آف ریونیو نے لوہامارکیٹ کے غیر رجسٹرڈ تاجروں کی لسٹیں تیار کرلیں۔ ذرائع کے مطابق ایف بی آر کو لوہا مارکیٹ میں بینک ٹرانزیکشن کی بجائے کیش پر کاروبار کے شواہد ملے ہیں ۔ بیشتر تاجر ود ہولڈنگ ٹیکس کٹوتی کر کے ایف بی آر کو ادائیگی نہیں کرتے اور نہ ہی کاروباری لین دین بینک کے ذریعے کرتے ہیں ۔ ایف بی آر نے تاجروں کے حوالے سے شواہد اکٹھے کر کے کارروائی شروع کردی ہے ۔