اسلام آباد (نوائے وقت رپورٹ) وزیر دفاع پرویز خٹک نے عمران خان کی نئی ٹیم پر عدم اعتماد کا اظہار کر دیا نجی ٹی وی سے گفتگو کرتے انہوں نے کہا کہ حالات دیکھ کر مشکل لگتا ہے کہ نئی ٹیم کارکردگی دکھا سکے۔ ذرائع کے مطابق پرویز خٹک نے اعجاز شاہ کو وزیر داخلہ بنانے پر تحفظات کا اظہار کیا اور پارٹی کے سینئر رہنما سے شکوہ کرتے کہا کہ وزیراعظم عمران خان نے مجھے وزیر داخلہ بنانے کا وعدہ کیا تھا پارٹی قربانیاں دینے والوں کو بھلانا درست رویہ نہیں ہے پارٹی میں کوئی اختلاف نہیں چاہتا لیکن اختلاف رائے کا اظہار ضروری ہے۔