رحیم یار خان (کرائم رپورٹر) گھریلو ناچاقی سے دلبرداشتہ ہوکر 35سالہ خاتون نے کالاپتھر پی کر خودکشی کرلی، 3 افراد کا اقدام خودکشی، تفصیل کے مطابق کشمور (سندھ) کی رہائشی35سالہ ثمرین بی بی نے آئے روز کی گھریلو ناچاقی سے دلبرداشتہ ہوکر کالاپتھر مشروب میں گھول کر پی لیا، حالت غیر ہونے پر ورثاء نے طبی امداد کیلئے شیخ زید ہسپتال رحیم یارخان منتقل کیا جہاں طبی امداد کے باوجود ثمرین بی بی جسم میں زہر پھیل جانے کے باعث دم توڑ گئی جبکہ اقدام خودکشی کرنے والے 3افرادجن میں میر پور ماتھیلو کی رہائشی26سالہ سونیا بی بی، ڈہرکی کی22سالہ کرن بی بی اور چک183پی کا رہائشی45سالہ لیاقت علی کو ہسپتال میں طبی امداد فراہم کی جا رہی ہے۔