واشنگٹن(نیٹ نیوز) امریکی صدر ڈونلڈ ٹرمپ سری لنکا میں مختلف گرجا گھروں اور ہوٹلوں میں ہونے والے 8 دھماکوں پر اپنی تعزیتی ٹویٹ میں ایک بڑی غلطی کرنے پر سوشل میڈیا پر شدید تنقید کا نشانہ بن گئے۔سوشل میڈیا پر صارفین نے اس غیر سفارتی رویئے پر شدید تنقید کرتے ہوئے لکھا کہ ’صدر ٹرمپ نے مدہوشی کی حالت میں ٹویٹ کی ہے‘۔ ’شاید صدر ابھی تک نیند سے پوری طرح بیدار نہیں ہوئے‘ اور ’صدر ٹرمپ کو انسانی جانوں کو بھی کاروباری اعداد و شمار سے جانچتے ہیں۔صدر ٹرمپ کو سوشل میڈیا پر شدید تنقید کے بعد حالات کی نزاکت کا اندازہ ہوا تو فوری طور پر ٹویٹ حذف کردی اور ایک نئی ٹویٹ کی۔ یہ پہلا موقع نہیں جب صدر ٹرمپ کو اپنی مضحکہ خیز اور حقائق سے عاری ٹوئٹ پر شدید تنقید کا نشانہ بننا پڑا ہو۔