گوجرانوالہ (نمائندہ خصوصی) تیز رفتار ٹریکٹر ٹرالی کی زد میں آکر دو بچے جاں بحق جبکہ دوست شدید زخمی ہو گیا ریسکیو اہلکاروں نے نعشوں اور مضروب کو ہسپتال منتقل کر دیا بتایا گیا ہے کہ محلہ یوسف پورہ کے رہائشی چودہ سالہ افضل تیرہ سالہ علی رضا اور 13 سالہ عدیل موٹرسائیکل پر جا رہے تھے کہ عالم چوک کے قریب تیز رفتار ٹریکٹر ٹرالی نے موٹرسائیکل کو ٹکر مار دی جس کے نتیجے میں تینوں دوست شدید زخمی ہو گئے علی رضا اور عدیل موقع پر ہی زخموں کی تاب نہ لاتے ہوئے جاں کی بازی ہار گئے واقعہ کی اطلاع پاکر موقع پر پہنچنے والے ریسکیو اہلکارروں نے نعشوں کو ضروری کارروائی اور مضروب کو طبی امداد کی فراہمی کیلئے ڈسٹرکٹ ہسپتال منتقل کیا جبکہ حادثہ کے بعد ٹریکٹر ٹرالی کا ڈرائیور موقع سے فرار ہو گیا۔