لاہور(کلچرل رپورٹر)عید الفطرپر ریلیز ہونے والی لالی وڈ کی نئی فلم ’’ رانگ نمبر2‘‘ کی تشہیر کا باقاعدہ آغاز ہوچکا ہے اور اسی سلسلے میں فلم کی لیڈ جوڑی نے گذشتہ روز کراچی میں ہونے والے میگا فیشن شو کے آخری سیگمنٹ میں ’’ شو سٹاپر‘‘ جوڑی کے طور پر شرکت کی ۔ ڈیزائنر مونا عمران نے دونوں فنکاروں کیلئے خاص ملبوسات تیار کئے تھے جنہیں ’’شیفائر بلیو ‘‘ اور ’’ روبی ریڈ ‘‘ کے نام دئیے گئے تھے ۔ سمیع خان جب’’شیفائر بلیو ‘‘اور نیلم منیر ’’ روبی ریڈ ‘‘زیب تن کرکے ریمپ پر اترے تو حاضرین داد دئیے بغیر نہ رہ سکے۔