ہری پور (اے پی پی) ہری پورمیں دو مختلف حادثات اور واقعات میں خاتون سمیت دو افراد جاں بحق ہو گئے ہیں۔ پولیس ذرائع کے مطابق پہلے حادثہ میں موٹر سائیکل پر ایبٹ آباد آنے والے نوجوان کا موٹرسائیکل نکہ پاہ کے مقام پر مخالف سمت سے آنے والی سوزوکی نمبر ایچ وی517- سے ٹکر ا گیا جس سے نوجوان موقع پر جاں بحق ہو گیا۔ سوزوکی ڈرائیور موقع سے فرار ہونے میں کامیاب ہو گیا۔ دوسرے واقعہ میں پولیس کو ایک گھر سے خاتون کی نعش ملی ہے۔ پولیس ذرائع کے مطابق خاتون کی شناخت مسرت نواز کے نام سے ہوئی ہے۔