انٹر سٹی فٹبال چیمپئن شپ :اسلام آباد نے گوادر کو ہرا دیا
لاہور(سپورٹس رپورٹر) پاکستان فٹبال فیڈریشن کے زیراہتمام نیشنل انٹر سٹی فٹبال چیمپئن شپ کے فائنل مرحلہ کے میچز کا سلسلہ جاری ہے۔ بہاولپور میںکھیلے گئے میچز میں اسلام آباد نے گوادر کو ایک کے مقابلہ میں دو گول سے شکست دیدی۔ کراچی اور گلگت کے مابین میچ بغیر کسی گول کے برابر رہا۔ نائب صدر پاکستان فٹبال فیڈریشن ایم این اے ملک محمد عامر ڈوگر اور صدر ڈی ایف اے ملتان میاں جاوید قریشی نے ملتان ڈویڑنل گراونڈ میں منعقدہ میچ میں شرکت کی۔ ملتان میں جیکب آباد اور کوئٹہ کا مقابلہ ایک ایک گول سے برابر رہا۔
