شالیمار: سسرالیوں کا بیوہ بہو، فیکٹری ایریا میں شوہر کا بیوی پر تشدد
لاہور (نامہ نگار)شالیمار کے علاقے میں سسرالی رشتے داروں کی جانب سے بیوہ بہو عظمی فضل کو شدید تشدد کانشانہ بنایا گیا ہے ۔ نجی نیوز چینلز پر خبریں چلنے پر ایس پی سول لائنز رضا صفدر کاظمی نے واقعہ کا نوٹس لے لیااور ایس ڈی پی او مغلپورہ کو واقعہ کی تحقیقات کر کے رپورٹ پیش کرنے کا حکم دیا ہے۔ایس پی سول لائنز نے ایس ایچ او تھانہ شالیمار کو متاثرہ عورت کے گھر جاکر درخواست لے کر کارروائی کرنے کا حکم دیاہے ۔ علاوہ ازیں تھانہ فیکٹری ایریا میں خاتون نصرت بی بی کو خاوند نعیم محمودکی جانب سے تشددکا نشانہ بنانے کا واقعہ بھی سامنے آیا۔جس پر پولیس نے فوری کارروائی کرکے ملزم کو حراست میں لیا تو متاثرہ خاتون نے اپنے خاوند سے صلح کر لی ہے ۔
