لاہور(سپورٹس رپورٹر) پاکستان کے دورہ پر آئی ازبکستان ہاکی ٹیم نے اپنے پہلے میچ میں طارق بٹ اکیڈمی کو دو ایک سے شکست دیدی۔ جوہر ہاکی سٹیڈیم لاہور میں کے درمیان تربیتی دورہ کا پہلا میچ کھیلا گیا.جو کہ ازبکستان ہاکی ٹیم نے ایک کے مقابلے میں دوگول سے جیت لیا.ازبکستان کی جانب سے دونوں فیلڈ گول رسلان ستلیکو نے کئے جبکہ طارق بٹ اکیڈمی کی جانب سے واحد گول ٹیم کپتان عمران رمضان نے پینلٹی کارنر کے ذریعے کیا۔ اس موقع پر مہمان خصوصی پنجاب ہاکی ایسوسی ایشن کے سیکرٹری کرنل (ر) آصف ناز کھوکھر تھے۔ انکے ہمراہ ایشین ہاکی فیڈریشن کے زاہد علی، پی ایچ ایف کے ایڈمن ڈائریکٹر میجر (ر) جاوید منج، پنجاب ہاکی ایسوسی ایشن کے ایسوسی ایٹ سیکرٹری رائے عثمان اکبر، لاہور ہاکی ایسوسی ایشن کے صدر چوہدری امجد، سابق انٹر نیشنل ہاکی پلیئر قاسم خان، محمد ایوب، عرفان سینئر، امپائر منیجر دلاور بھٹی کے علاوہ بڑی تعداد میں معززین ہاکی آفیشلز و شائقین ہاکی موجود تھے۔