لاہور ( سپورٹس رپورٹر ) پاکستان کرکٹ بورڈ کے زیر اہتمام جاری دوسرے فضل محمو ویسٹ زون کلب کرکٹ ٹورنامنٹ کے لیگ مرحلے میں خضرٰ ی کلب نے فاران جمخانہ کو 8 وکٹوں سے شکست دے دی۔ فاران جمخانہ نے پہلے بیٹنگ کرتے ہوئے تمام وکٹوں کے نقصان پر 154رنز بنائے محسن رشید نے 29، محمد طیب نے 28رنز بنائے ناصر علی عطاری نے 3، یاسین خان، عدنان رسول اور مبشر حبیب نے 2,2وکٹیں حاصل کیں۔ خضرٰی کلب نے ہدف 2وکٹوں نقصان پر عبور کر لیا۔ عدنان رسول نے 45رنز بنائے احسن طارق 45اور مبشر حبیب 40رنز کے ساتھ ناقابل شکست رہے ۔ فاتح ٹیم کے عدنان رسول مین آف دی میچ قرار پائے۔