لاہور(نمائندہ سپورٹس+سپورٹس رپورٹر) ایس اے گارڈن میں سپیڈ فیسٹ ایونٹ اختتام پذ یر ہو گیا ۔ مقابلے کے دوران بائیک ریسنگ کے مختلف مقابلے کرائے گئے ۔ ملک بھر سے نامور جیپرز اور بائیکرز نے حصہ لیا ۔ ایونٹ میں انٹر ٹینمنٹ کیلئے میوزیکل شو کا بھی اہتمام کیاگیا جس میں علی عظمت اورجمی خان سمیت نامور گلوکاروں نے سروں کا جادو جگایا ۔کھلاڑیوں کا کہناتھا پاکستان میں ایسا بڑا یونٹ پہلی بار کرایاگیا ہے جو حکومتی سرپرستی کے بغیر ہوا ۔ جیپ اور بائیک ریسنگ میں صلاحیتیں دکھانے کا موقع ملا ۔ میوزیکل شو کے دوران شہری جھوم اٹھے ۔ سی ای او ایس اے گارڈن شعیب افضل ملک نے جیپ اور بائیک ریسنگ مقابلوں کے پوزیشن ہولڈرز میں نقد انعامات تقسیم کئے ۔ انہوںنے کہا کہ ایونٹ کامقصدنوجوان کھلاڑیوں کو سیف گرائونڈ اور صلاحیتیں دکھانے کے مواقع فراہم کرنا ہے ۔ شہریوں کے چہروں پر مسکراہٹیں بکھیرنااور پاکستان میں ٹیلنٹ سامنے لاناہے ۔