پنجاب کی خواتین فٹبال ٹیم میں انعامی رقم تقسیم
لاہور(سپورٹس رپورٹر+نمائندہ سپورٹس) پنجاب فٹبال ایسوسی ایشن کے صدر سردار نوید حیدر کی جانب نیشنل ویمن فٹبال چیمپئن شپ میں تیسری پوزیشن حاصل کرنے والی پنجاب کی خواتین فٹ بال ٹیم کی کھلاڑیوں میں انعامی رقم تقسیم کر دی گئی۔ انعامی رقم تقسیم کرنے کی تقریب نیشنل ہاکی سٹیڈیم میں سپورٹس جرنلسٹ ایسوسی ایشن کے دفتر میں ہوئی۔ پنجاب فٹ بال ایسوسی ایشن کے صدر سردار نوید حیدر نے ٹیم کی کپتان اور دیگر کھلاڑیوں کو انعامی رقم دی۔ لاہور فٹ بال ایسوسی ایشن کے صدر میاں رضوان، ٹیم کے کوچ سجاد اکبر، زینب مشتاق اور خرم شہزاد بھی تقریب تقسیم انعامات میں موجود تھے۔
