گوجرانوالہ + بچیانہ + حافظ آباد (نمائندگان خصوصی + نمائندہ نوائے وقت) گوجرانوالہ میں خاتون سے زیادتی کے بعد مبینہ طور پر اس پر تیزاب پھینک دیا گیا جبکہ بچیانہ میں 14 سالہ لڑکی‘ حافظ آباد میں کمسن بچہ زیادتی کا شکار ہو گئے۔ تفصیلات کے مطابق گوجرانوالہ میں تھانہ سول لائن کی (م) نے الزام لگایا ہے کہ رضوان‘ اظہر‘ عظیم اور نذر نے اس کے بیٹوں کو بیرون ملک بھجوانے کیلئے 26 لاکھ روپے وصول کر رکھے تھے اور ملزمان نہ تو اس کے بیٹوں کو باہر بھیجا اور نہ ہی رقم واپس کی۔ اب ملزمان نے مجھے اجتماعی زیادتی کا نشانہ بنا ڈالا ہے اور میرے اوپر تیزاب پھینک دیا۔ بچیانہ میں 14 سالہ (ا) گھر میں اکیلی تھی کہ شاہزیب گھر میں آ گیا اور گن پوائنٹ پر اس سے زیادتی کر ڈالی۔ پولیس نے ملزم کو گرفتار کر لیا ہے۔ ادھر حافظ آباد کوٹ مبارک میں 9 سالہ (ع) کو جبوں مسیح‘ فرحان اور حیدر نے قریبی کھیتوں میں لے جا کر زیادتی کا نشانہ بنا ڈالا۔