اسلام آباد (نوائے وقت رپورٹ) آئی ایس پی آر کے مطابق آرمی چیف جنرل قمر جاوید باجوہ نے ایل او سی پر این ایل آئی بٹالین کا دورہ کیا کور کمانڈر راولپنڈی بھی آرمی چیف کے ہمراہ تھے آرمی چیف نے آپریشنل تیاریوں اور جوانوں کے بلند حوصلے اور جذبے کو سراہا اوربھارتی اشتعال انگیز فائرنگ کا بھرپور اور موثر جواب دینے کو سراہا اس موقع پر جنرل قمر جاوید باجوہ نے خطاب کرتے کہا کہ ہم ملک کو درپیش دفاعی اور سکیورٹی چیلنجز سے بخوبی آگاہ ہیں ہم’’ محاذ سے قطع نظر‘‘ تمام خطرات کو شکست دینے کی صلاحیت رکھتے ہیں۔