نئی فلم ’’چھا جا رے‘‘کے گیت میں 25فنکار جلوہ گر ہونگے
لاہور(کلچرل رپورٹر)ہدایتکار جبران بشیر کی نئی فلم ’’چھا جا رے‘‘کے گیت میں 25نامور فنکار جلوہ گر ہونگے۔ فلم کی تشہیر کیلئے خصوصی نغمہ پکچرائز کیاگیاہے جس میں فلمسٹار ندیم، جاوید شیخ،میرا ، ثناء ،جان ریمبو، صاحبہ،ماتھیر،بہروز سبزواری، اعجاز اسلم، ناصر خان جان اور شہرروزسمیت فلم او رٹی وی سے وابستہ فنکار نظر آئیں گے ۔ فلم تعلیم اور کھیل کے موضوع پر بنائی گئی ہے جس کی شوٹنگ کراچی میںجاری ہے ۔فلم کے آئٹم سانگ کیلئے بالی وڈ اداکارہ ادیتی سنگھ کی خدمات حاصل کی گئی ہیں۔فلم کی شوٹنگ مکمل ہوتے ہی اس کی تشہیری مہم کا آغاز کردیا جائے گا۔
