ڈسکہ: ٹریکٹر ٹرالی کی ٹکر‘ موٹر سائیکل سوار 2 دوست جاں بحق‘ ایک شدید زخمی
ڈسکہ (نامہ نگار/نمائندہ خصوصی) تیز رفتار ٹریکٹر ٹرالی کی ٹکر سے موٹر سائیکل سوار 2 دوست جاں بحق جبکہ ایک شدید زخمی‘ ڈسکہ کے نواحی گائوں مندرانوالہ کا عدنان اپنے دوستوں اسد اور دانش کے ہمراہ موٹرسائیکل نمبری ایس ٹی ایم 3826 پر آدمکے چیمہ سے گھر واپس آرہے تھے جب وہ مندرانوالہ کے قریب پہنچے توان سامنے سے آنیوالی تیزرفتارٹریکٹرٹرالی نے ٹکر ماردی جس کے نتیجہ میں اسد اور عدنان موقع ہی جاں بحق ہوگئے جبکہ دانش شدیدزخمی ہوگیا جس کوطبی امدادکیلئے سول ہسپتال پہنچادیاگیا تھانہ صد رپولیس نے ٹریکٹرٹرالی کو قبضہ میں لیکر تفتیش شروع کردی ہے۔
