لاہور (وقائع نگار خصوصی) مسلم لیگ (ن) کی نائب صدر مریم نواز نے ایک ٹویٹ میں کہا ہے کہ عوام کی نواز شریف اور نواز شریف کی عوام سے لازوال محبت کی داستان ہے۔ الحمدﷲ ہر آنے والے دن کے ساتھ یہ محبت مضبوط تر ہوتی جا رہی ہے۔ یہ ایک نیا رجحان ہے۔ نواز شریف دوبارہ آئے گا اور انشاء اﷲ جلد آئے گا۔ مریم نواز نے اپنے ٹویٹ پیغام میں کہا ہے کہ سیانے کہتے ہیں نقل کیلئے بھی عقل کی ضرورت ہوتی ہے۔ پرچی کا طعنہ دینے والا حلف پڑھ سکا نہ لکھی ہوئی پرچی پڑھ سکتا ہے۔ پرچی سے پڑھے تو تماشا بنتا ہے اور پرچی کے بغیر پڑھے تو اور بھی بڑا تماشا بنتا ہے‘ قدرت بھی کس کس طرح بدلے چکاتی ہے۔ ہم آئی ایم ایف کے پاس نہیں جائیں گے آئی ایم ایف کو یہاں بلا کر پاکستان حوالے کر دیں گے۔ اب حکومت نہیں خود آئی ایم ایف ہی آئی ایم ایف سے سودا طے کرے گا۔