لاہور(کلچرل رپورٹر) معروف گلوکار راحت فتح علی خان اور آئمہ بیگ نے فلمساز فیصل پرنس اور ہدایتکار اسلم عزیزکی نئی اردو فلم ’’ٹچ می ‘‘ کے نغمات ریکارڈ کرا دئیے ۔مذکورہ فلم پرنس پروڈکشنزانٹرنیشنل کے بینر تلے بنائی جا رہی ہے ۔فلم کے مصنف واجد زبیری اور لائن پروڈیوسر منیر احمدہیں۔فلم کے نغمات راحت فتح علی خان اور آئمہ بیگ کے علاوہ افشاں فواد کی آواز میں ریکارڈ کیے گئے ہیں ۔ہدایتکار نے بتایاکہ فلم کی شوٹنگ کی تیاریاں جاری ہیں جس میں کراچی اور لاہور سے تعلق رکھنے والے مشہور فنکاروں کے علاوہ ماڈلز کوبھی کاسٹ کیا جا رہا ہے ۔فلم کی شوٹنگ رمضان المبارک کے پہلے عشرے میں ہوگی۔انکا کہنا تھا کہ یہ ایک بڑے بجٹ کی جدیدطرز کی فلم ہے جسے بین الاقوامی معیار کے مطابق بنایا جارہا ہے ۔