نیلم منیر اور سمیع خان کی فلم رانگ نمبر2کا گانا شائقین میں مقبول
لاہور(کلچرل رپورٹر)نیلم منیر اور سمیع خان کی نئی فلم ــ ’’ رانگ نمبر2‘‘ کاپہلا گیت’’یاریاں ‘‘ شائقین کی توجہ حاصل کرنے میں کامیاب ہوگیا ہے، فلم عید الفطر پر سنیمائوں کی زینت بنے گی ۔ یاسر نواز کی ڈائریکشن میں بنی رومانوی کامیڈی فلم کے گیت کی ویڈیو میں لیڈ جوڑی کے رومانس کا احاطہ کرتی ہے ۔ڈسٹری بیوشن کلب کے زیر اہتمام عید الفطر پر نمائش کیلئے تیار کی گئی۔ لالی وڈ کی نئی تفریحی فلم ’’ رانگ نمبر2‘‘ کے پہلے گیت کی ویڈیو کو ریلیز کردیا گیا ہے جو اپنی مدھر موسیقی اور خوبصورت لوکیشنز کی وجہ سے شائقین کی بھرپور توجہ حاصل کرنے میں کامیاب رہا ہے ۔ دو روز قبل ریلیز کئے گئے گیت کو شائقین اب تک ہزاروں بار سوشل میڈیا سائٹس پر شئیر کرچکے ہیں جبکہ فلمی حلقوں نے بھی گیت کو پسندیدگی سے نوازا ہے ۔ ورسٹائل فنکار یاسر نواز کی زیر ڈائریکشن بنی فلم ایک دلچسپ کہانی کا احاطہ کرتی ہے جس میں نیلم منیر نے امیر لڑکی کا کردار ادا کیا ہے جسے ایک غریب لڑکے سمیع خان سے پیار ہوجاتا ہے جسکے بعد آنے والے دلچسپ اتار چڑھائو فلم کی کہانی کو چارچاند لگا دیتے ہیں ۔ سینئر فنکار جاوید شیخ، محمود اسلم ، ثنا فخراور شفقت چیمہ دیگر فنکاروں نے بھی فلم میں اہم کردار کردار کئے ہیں جس کے باعث فلم کو عید الفطر پر لالی وڈ کی مین پیشکش قرار دیا جارہاہے ۔
