لاہور(سپورٹس رپورٹر+نمائندہ سپورٹس) مستقبل کے فاسٹ باؤلرز اور سپنرزکی تلاش کے لئے کیمپ نیشنل کرکٹ اکیڈمی میں ختم ہوگیا۔ نیشنل کرکٹ اکیڈمی میں کوچز نے نوجوان فاسٹ باؤلرز اور سپنرزکی صلاحیتوں کو نکھارا۔ نیشنل کرکٹ اکیڈمی میں لگائے جانے والے کیمپ میں ملک بھر سے 34 نوجوان سپنرز اور فاسٹ باؤلرز نے حصہ لیا۔ کھلاڑیوں کا انتخاب ملک بھر سے کیا گیا۔ کیمپ کا مقصد مستقبل کے لئے باصلاحیت فاسٹ باؤلرز اور سپنرزکی تلاش کرنا ہے،،کیمپ کے دوران پی سی بی کے ریجنل اور نیشنل کرکٹ اکیڈمی کوچز نے کھلاڑیوں کی ٹریننگ کی۔کیمپ میں نوجوان باؤلرز کی فٹنس اور تکنیک کو بہتر بنانے پر توجہ دی گئی۔