لاہور(سپورٹس رپورٹر+نمائندہ سپورٹس +وقائع نگار خصوصی) لاہور ہائیکورٹ نے دو ہفتوں میں گجرات ڈسٹرکٹ کرکٹ ایسوسی ایشن کے انتخابات کا حکم دیدیا ہے۔ گجرات ڈسٹرکٹ کرکٹ ایسوسی ایشن کے وکیل شیگان اعجاز کا کہنا ہے کہ ہائیکورٹ نے گجرات ڈسٹرکٹ ایسوسی ایشن انتخابات پر29 مئی کو عملدرآمد رپورٹ جمع کروانے کی ہدایت کی ہے۔ ان کا کہنا تھا کہ انتخابات کے حوالے سے کرکٹ بورڈ کے وکیل کا بیان بھی ریکارڈ کیا گیا ہے۔ پی سی بی کے قانونی مشیر تفضل رضوی کا کہنا تھا کہ ہم دو ہفتوں میں گجرات ڈسٹرکٹ ایسوسی ایشن کے انتخابات کروا دیں گے۔