راولپنڈی(صباح نیوز)وفاقی وزیر ریلوے شیخ رشید نے کہا ہے کہ میں چاپلوس نہیں،صاف کہتا ہوں کہ مہنگائی ہوئی ہے، فلاحی کاموں سے ہی دنیا میں نام باقی رہتا ہے۔ عمران خان 2سال کے اندر اندر ملک کو مسائل سے نجات دلائیں گے،20سالہ جدوجہد کے بعد زچہ بچہ اسپتال کا افتتاح کیا جارہا ہے۔وزیراعظم عمران خان نے راولپنڈی میں زچہ بچہ اسپتال کا سنگ بنیاد رکھ دیا۔ وفاقی وزیر ریلوے شیخ رشید نے افتتاحی تقریب سے خطاب کرتے ہوئے کہا کہ 11جدید آپریشن تھیٹر اسپتال میں بنائے جارہے ہیں۔ وزیر اعظم کی دیانتداری کی وجہ سے ملک میں سرمایہ کاری آرہی ہے۔ مہنگائی شریف برادران اور زرداری کی لوٹ مار کی وجہ سے ہوئی ہے۔ عمران خان 2 سال کے اندر اندر ملک کو مسائل سے نجات دلائیں گے۔ سی پیک کے تحت ایم ایل ون اور ٹو منصوبوں سے 2لاکھ افراد کو روزگار ملے گا۔ ریلوے بحال ہوگی تو ملک خوشحال ہوگا۔