لاہو ر(نمائندہ سپورٹس )قومی ٹیم کے سابق وکٹ کیپر بیٹسمین کامران اکمل نے کہا ہے کہ پاکستان کی بائولنگ لائن اس وقت غیر موثر نظر آرہی ہے، انگلینڈ میں کامیابی کے لیے بڑے سکور کرنے کی ضرورت ہوگی۔ ورلڈ کپ میں پاکستان کی کامیابی کیلئے ہر کرکٹ شائق کی طرح میں بھی دعا گو ہوں، بہتر نتائج کیلئے کپتان سرفراز احمد کو فرنٹ سے لیڈ کرنا ہوگا اور انہیں ٹیم کو لڑوانا ہوگا۔ پاکستان کرکٹ ٹیم نوجوان کھلاڑیوں مشتمل ضرور ہے لیکن اس میں اہلیت ہے کہ وہ کسی بھی حریف سائیڈ کو شکست دے سکے۔ فی الوقت پاکستان کی بائولنگ لائن انگلش کنڈیشنز میں غیر موثر نظر آرہی ہے اس میں مزید بہتری لانا ہوگی۔