لاہور(سپورٹس رپورٹر)قومی کرکٹ ٹیم کے چیف سلیکٹر انضمام الحق نے انگلینڈ کیخلاف قومی ٹیم کی کارکردگی کو تسلی بخش قرار دیتے ہوئے کہا ہے کہ قومی ٹیم نے انگلینڈ کے خلاف دوسرے ون ڈے میں اچھی پرفارمنس دی ،ٹیم اگر جیت جاتی تو زیادہ خوشی ہوتی، شاداب خان کی اب تک کی رپورٹس بہت مثبت ہیں‘ امید ہے ورلڈ کپ سے پہلے شاداب خان فٹ ہو جائیں گے‘ محمد حفیظ فٹ ہیں ۔ ورلڈ کپ سکواڈ کا اعلان کر چکے، کھلاڑیوں کی پرفارمنس کا جائزہ لیا جا رہا ہے۔ آئندہ 2 سے 4 روز میں شاداب کے مزید ٹیسٹ ہوں گے، امید ہے ورلڈ کپ سے پہلے شاداب خان فٹ ہو جائیں گے۔ محمد حفیظ نے پاکستان میں ہی بائولنگ اور بیٹنگ کا آغاز کر دیا تھا، وہ فٹ ہیں ابھی 3میچز باقی ہیں، کھلاڑیوں کی کارکردگی کا جائزہ لے رہے ہیں۔