لاہور(سپورٹس رپورٹر+نمائندہ سپورٹس) لاہور ہائیکورٹ میں پٹیشن دائر ہونے کے بعد پی سی بی نے حافظ آباد ڈسٹرکٹ کرکٹ ایسوسی ایشن کا انتخابی شیڈول جاری کر دیا ہے۔ شیڈول کے تحت ڈسٹرکٹ حافظ آباد کے الیکشن چوبیس مئی کو ہونگے۔ پی سی بی کی جانب سے ڈسٹرکٹ حافظ آباد انتخابات کے لیے ووٹرز لسٹ بھی جاری کر دی گئی ہے۔ چوبیس مئی کو ڈسٹرکٹ حافظ آباد کے صدر، سیکرٹری اور خزانچی کے عہدوں کے لیے ووٹنگ ہو گی۔واضح رہے کہ ڈسٹرکٹ حافظ آباد کے انتخابات میں کرکٹ بورڈ کی طرف سے تاخیر پر گذشتہ روز ہائیکورٹ میں زبیر احمد نے پٹیشن دائر کی تھی جس پر جسٹس ساجد محمود سیٹھی نے کرکٹ بورڈ حکام کو تیئس مئی کے نوٹسز جاری کیے تھے۔