اوکاڑہ +بصیر پور(نامہ نگاران) پاکستان رینجرز نے ناکہ بندی کر کے چا ر بھارتی سمگلروں سے لاکھوں روپے مالیت کی ہیروئن برآمد کر کے ان کو گرفتار کر لیا ہے۔ تفصیلات کے مطابق پاکستان رینجرز گنگن پور کے انسپکٹر محمد اکرام کو اطلاع ملی کہ چار سمگلر بھارت سے بھاری مقدار میں ہیروئن لے کر آ رہے ہیں ۔جس پر انسپکر محمد اکرام نے اپنے ساتھیوں سب انسپکٹر عبدالصمد‘ حوالدار عنصر عباس‘ حوالدار محمد مشتاق‘ سپاہی محمد کاشف‘ سپاہی قیصر اقبال‘ سپاہی محمد اعظم اور سپاہی محمد مظہر عباس کے ہمراہ اوکاڑہ کے نواحی قصبہ باگڑ کے قریب مزیرو لائن پر ناکہ بندی کر کے بھارت سے بارڈر کراس کر کے آنے والے چار سمگلروں محمد اقبال‘ آفتاب‘ محمد افضل اور غلام صابر کو قابو کر کے ان سے لاکھوں روپے مالیت کی سمگلرز ہیروئن اور دیگر سامان برآمد کر لیا۔