کوئٹہ ، اسلام آباد (نوائے وقت رپورٹ، این این آئی) سپیکر بلوچستان اسمبلی میر عبدالقدوس بزنجو کے والد انتقال کرگئے۔ وزیراعظم عمران خان نے سپیکر بلوچستان اسمبلی میر عبدالقدوس بزنجو کے والد کے انتقال پر اظہار تعزیت کیا ہے۔ وزیراعظم نے عبدالقدوس بزنجو کے والد کی مغفرت اور سوگوار خاندان کیلئے صبر جمیل کی دعا کی ہے۔چیئرمین سینٹ صادق سنجرانی نے سپیکر بلوچستان اسمبلی عبدالقدوس بزنجو کو ٹیلی فون کر کے ان کے والد میر عبدالمجید بزنجو کے انتقال پر گہرے دکھ اور افسوس کا اظہار کیا ہے اور کہاکہ اللہ دکھ کی اس گھڑی میں غمزدہ خاندان کو صبر عطا کرے۔ میر عبدالمجید بزنجو سابق ڈپٹی سپیکر بلوچستان اسمبلی کے عہدے پر فائز رہے ۔