لاہور(نمائندہ سپورٹس ) فاسٹ بائولر وہاب ریاض کا کہنا ہے کہ ورلڈ کپ میں پاکستان کے علاوہ بھارت، انگلینڈ اور آسٹریلیا فیورٹ ٹیمیں ہیں۔ بائولنگ میں تجربے کی کمی ضرور ہے، تجربہ کار پلیئرز ہوتے تو بہتر ہوتا۔ پاکستان کی بیٹنگ لائن کا کلک کرنا اچھی بات ہے،بائولنگ میں مہارت کا مظاہرہ کرنا ہوگا کیونکہ انگلش کنڈیشن میں وہی بائولر کامیاب ہوگا جو سوچ سمجھ کر بائولنگ کرے گا۔ ورلڈ کپ کے دوران پاکستان‘ بھارت میچ اعصاب کا مقابلہ ہوگا ، ٹیم کو مشورہ یہی ہے کہ اس میچ کو عام میچ سمجھ کر کھیلیں۔