سرگودھا(این این آئی)سرگودھا ریجن کے علاقہ میں تھل کینال سے میاں بیوی کی نعشیں برآمد کر کے پولیس نے ضروری کارروائی کے بعد ورثاء کے حوالے کر دیں۔دونوں متوفین تین روز سے لاپتہ تھے۔ذرائع کے مطابق بھکر کے علاقہ تھل کینال سے ملنے والی مردوخاتون کی نعشوں کو نیری کے عبدالحفیظ اور اس کی بیوی آسیہ بی بی سے شناخت کیا گیا جو تین بچوں کے والدین اور ان کے مابین اکثر گھریلو جھگڑے رہتے۔متوفیہ آسیہ بی بی کے باپ احمد نواز نے پولیس کو بیٹی کے تین روز سے غائب ہونے پر داماد عبدالحفیط پر شبہ ظاہر کیا جس پر ابھی کاروائی جاری تھی کہ دونوں کی نعشیں ایک ساتھ تھل کینال سے برآمد ہوئیں جنہیں پولیس نے ضروری کاروائی کے بعد ورثاء کے سپرد کر دیا۔