نئی دہلی(آن لائن) بھارتی ریاست چھتیس گڑھ میں ٹرک اور جیپ میں تصادم کے نتیجے میں چھ افراد ہلاک جبکہ سات زخمی ہو گئے ۔ بھارتی خبررساں ادارے کے مطابق حادثہ ضلع سرگوجا میں ابہیکاپور بنارس شاہراہ پر اس وقت پیش آیا جب مذہبی رسومات کی ادائیگی کے لئے روانہ ہونے والوں کی جیپ ایک تیز رفتار ٹرک سے ٹکرا گئی جس کے نتیجے میں چھ افراد موقع پر ہلاک جبکہ سات زخمی ہو گئے ۔ زخمیوں کو فوری طور پر ہسپتال داخل کر دیا گیا جبکہ واقعے کی تحقیقات شروع کر دی گئی ہیں