لاہور(سپورٹس ڈیسک ) ورلڈکپ کے لیے میزبان انگلینڈ کے مضبوط سکواڈ کا اعلان کردیا گیا ہے۔ ایوئن مورگن کپتان ہوں گے، دیگر کھلاڑیوں میں معین علی، جوفرا آرچر، جونی بیرسٹو، جوز بٹلر، ٹام کیورن، لیام ڈاؤسن، لیام پلنکٹ، عادل رشید، جوئے روٹ، حیسن روئے، بین سٹوکس، جیمز ونس، کرس ووکس اور مارک ووڈ شامل ہیں۔ فاسٹ بولر جوفرا آرچر کے ٹیلنٹ کو ڈیوڈ ویلی کے تجربے پر فوقیت دیتے ہوئے 15 رکنی سکواڈ میں شامل کرلیا گیا ہے۔جوفرا آرچر نے آئرلینڈ اور پاکستان کے خلاف حالیہ تین ایک روزہ بین الاقوامی میچز میں متاثر کن پرفارمنس کا مظاہرہ کیا تھا۔46 ایک روزہ بین الاقوامی میچز کا تجربہ رکھنے والے ڈیوڈ ویلی انگلینڈ کے عبوری سکواڈ میں شامل تھے لیکن وہ حتمی سکواڈ میں جگہ برقرار نہ رکھ سکے۔انگلش سکواڈ میں مزید دو تبدیلیاں کی گئی ہیں، جو ڈینلی اور ایلکس ہیلز کی جگہ آل راونڈر لیام ڈاوسن اور ٹاپ آرڈر بیٹسمین جیمس ونس کو حتمی سکواڈ کا حصہ بنایا گیا ہے۔