اداکارہ و ماڈل لائبہ علی کا افطار ڈنر ‘شاہدہ منی کی بھی شرکت
لاہور ( کلچرل رپورٹر)اداکارہ و ماڈل لائبہ علی کی جانب سے افطار ڈنر کا انعقاد کیا گیا۔جس میں گلوکارہ شاہدہ منی سمیت شوبز وصحافت کی متعدد اہم شخصیات نے شرکت کی۔ لائبہ علی نے کہاکہ انہیں بے حد خوشی ہے کہ ان کے افطار ڈنر میںآپ نے شرکت کی اور خصوصا وہ شاہدہ منی کا شکریہ ادا کرتی ہیں جنہوں نے ان کے افطار ڈنر میں شرکت کی۔اس موقع پر لائبہ علی نے مستقبل میں اپنے شوبز کے پراجیکٹس کے حوالے سے میڈیا کو بریفنگ دی اور اپنی نئی کلاسیکل ڈانس پرفارمنس سی ڈی کے حوالے سے بتایا جو عید الفطر پر ریلیز ہوگی. میلوڈی کوئین شاہدہ منی نے کہا کہ رمضان المبارک میں دوست احباب کے ساتھ افطار کرنا بہت ہی ثواب کا کام ہے اور لائبہ نے افطار ڈنر کا اہتمام کرکے ثواب ہی کمایا ہے کیونکہ آج کی مہنگائی کے دور میں کوئی بھی اپنے دوستوں کو اس طرح نہیں بلواتا جس طرح لائبہ نے سب کو ایک جگہ اکٹھا کرکے ماہ رمضان کی برکتیں سمیٹیں ہیں.اللہ پاک ا نہیں اس کا اجر دے ۔
