نور پور تھل(نامہ نگار )گھر میں موجود بیٹری پھٹنے سے ساتھ پڑے پٹرول کو آگ لگنے سے نوجوان جاں بحق دو بچیوں سمیت 4خواتین شدید جھلس گئیں جن میں سے دو خواتین کی حالت نازک جھلسنے والی خواتین کو خطرے کے پیش نظر ڈسٹرکٹ ہسپتال سرگودھا ریفر کر دیا گیا تفصیل کے مطابق نور پور تھل کے نواحی ڈیرہ پہوڑاں والا کے رہائشی محمد رفیق کے گھر میں موجود بیٹری پھٹنے سے ساتھ پڑے پٹرول کو آگ لگ گئی جس کی زد میں آ کر 18سالہ نوجوان محمد وقاص موقع پر ج جھلس کر جاںبحق ہو گیا جبکہ کمرے میں موجود 50سالہ زینت بی بی زوجہ محمد رفیق ،30سالہ نسیم اختر دختر محمد رفیق،10سالہ نوشین دختر محمد رفیق،1سالہ ثانیہ دختر عبد الرئوف شدید جھلس گئیں جھلسنے والی خواتین اور بچیوں کے 50فیصد جسم جھلس چکے ہیں پٹرول کی آگ نے سب سے زیادہ ان کے چہروں کو متاثر کیا ہے جنہیں فوری طور پر سول ہسپتال لایا گیا جس میں زینت بی بی اور نسیم بی بی کی حالت خطرے میں ہونے پر انہیں طبی امداد دے کر فوری سرگودھا ڈسٹرکٹ ہسپتال ریفر کر دیا گیا۔