پسرور+ تربت (نامہ نگار+ صباح نیوز) ورکنگ بائونڈری کے پار سے آمدہ اطلاعات کے مطابق مقبوضہ کشمیر کے ضلع ڈوڈا میں مسافر وین نمبری جے کے 02AN-8186تیز رفتاری کے باعث لڑھک کر نالہ کھیلانی میں جا گری حادثے میں دو بھائیوں سمیت 4مسافر ہلاک جبکہ13زخمی ہوگئے ہلاک ہونے والوں میں بادل کمار اس کا بھائی اکشے کمار پسران بشن کمار،اشوانی کمار ولد مدن لال اور چنکو رام ولد بھگت رام شامل ہیں تحصیلدار ڈوڈا شبیر احمد کے بقول 8زخمی مسافروں کو ڈسٹرکٹ ہسپتال ڈودا جبکہ 5زخمیوں کو نازک حالت کے پیش نظر گورنمنٹ میڈیکل کالج جموں کے ہسپتال میں داخل کروادیا گیا ہے ۔کساب میں گاڑی کھائی میں گرنے سے 5 افراد جاں بحق اور متعدد زخمی ہوگئے۔ بلوچستان کے ضلع تربت کے علاقے کساب میں گاڑی کھائی میں گرگئی جس کے نتیجے میں 5 افراد جاں بحق اور متعدد زخمی ہوگئے۔ لیویز حکام کا کہنا ہے کہ جاں بحق افراد کی نعشیں اور زخمیوں کو اسپتال منتقل کردیا گیا ہے