برینڈن میکلم کی ورلڈ کپ میں پشین گوئی
لاہور(سپورٹس رپورٹر+نمائندہ سپورٹس)نیوزی لینڈ کے سابق کپتان برینڈن میکلم نے پشین گوئی کی ہے کہ بنگلہ دیش کی ٹیم ورلڈ کپ میں صرف ایک میچ ہی جیت سکے گی ۔ ٹائیگرز سیمی فائنل تک نہیں پہنچ سکتے ۔ انگلینڈاور بھارت کی ٹیمیں آٹھ آٹھ میچ جیت کر پہلے اور دوسرے نمبر پر آئیں گی ۔ بنگلہ دیش صرف سری لنکا کے خلاف میچ جیت سکے گا۔ انگلینڈ آسٹریلیا سے جبکہ بھارت انگلینڈ سے ہارے گا۔ آسٹریلوی ٹیم چھ میچ جیتے گی ۔ سیمی فائنل کی چوتھی ٹیم کیلئے پاکستان ‘جنوبی افریقہ ‘نیوزی لینڈ اور ویسٹ انڈیز کے درمیان مقابلہ ہوگا ۔افغانستان کی ٹیم دو جبکہ سری لنکا اور بنگلہ دیش کی ٹیمیں ایک ایک میچ جیتیں گی ۔ برینڈ ن میکلم کے مطابق پاکستان سری لنکا ‘آسٹریلیا ‘نیوزی لینڈ ‘افغانستان ‘بنگلہ دیش کے خلاف جیتے گا جبکہ ویسٹ انڈیز ‘انگلینڈ ‘بھارت اور جنوبی افریقہ سے ہار ے گا۔
