لاہور(سپورٹس رپورٹر) پاکستان انڈر19ٹیم نے سری لنکا انڈر19ٹیم کو چوتھے ون ڈے میچ میں سات وکٹوں سے شکست دے کر پانچ میچوں کی سیریز میں تین ایک کی فیصلہ کن برتری حاصل کرلی ۔ میزبان سری لنکن ٹیم 8وکٹوں پر 195رنز بناسکی ۔ کھدوارا چیچی چونسٹھ ‘وکرما سنگھے بارہ ‘رسانتھا چودہ ‘کپتان مشرا آٹھ ‘تھرینڈو پچا س‘وجے سنگھے پانچ اور فرنینڈو ایک رن بناکر آئوٹ ہوئے ۔ ویلا لاگے پندرہ رنز پرناٹ آئوٹ رہے ۔ شیراز خان اور محمد وسیم نے دو دو جبکہ جنید خان اور محمد طہٰ نے ایک ایک کھلاڑی کو آئوٹ کیا ۔ پاکستان انڈر 19نے ہدف تین وکٹوں کے نقصان پرپورا کرلیا ۔حیدر علی 93رنز پر ناقابل شکست رہے ۔ کپتان روحیل نذیر 69‘باسط علی صفراور محمد طہٰ صفر پر آئوٹ ہوئے ۔قاسم اکرم نے 29رنز بنائے ۔ وکرما سنگھے اور مینڈس نے ایک ایک کھلاڑی کو آئوٹ کیا ۔ حید رعلی کو میچ کا بہترین کھلاڑی قرار دیا گیا ۔