لاہور(سپورٹس رپورٹر) پاکستان ڈیف کرکٹ اسیوسی ایشن کے زیر اہتمام رواں ماہ منعقد ہونے والی نیشنل ٹی ٹونٹی ڈیف چیمپئن شپ کے میچز کا شیڈول اور میچ آفیشلز کا عید کے فوری بعد اعلان کیا جائے گا۔ صدر پاکستان ڈیف کرکٹ ایسوسی ایشن سلمان ظہیر کے مطابق چیمپئن شپ کی تمام تیاریاں مکمل کر لی گئی ہیں۔ ٹورنامنٹ میں ملک بھر سے 18 ٹیمیں حصہ لیں گی جنہیں چھ گروپس میں تقسیم کیا گیا ہے۔ گروپ ون میں اوکاڑہ، گجرات اور حافظ آباد‘ گروپ ٹو میں مظفر گڑھ، سکھر اور خیرپور‘ گروپ تھری میں اسلام آباد، لاڑکانہ، جیکب آباد، گروپ فور میں کوئٹہ، قلات اور نواب شاہ، گروپ فائیو میں دادو، جہلم اور کوہاٹ جبکہ گروپ چھ میں بہاولپور، ڈی آئی خان اور اے جے کے شامل ہیں۔ چیمپئن شپ کی افتتاحی تقریب 12 جون کو دن تین بجے ایل سی سی اے گراونڈ لاہور میں ہوگی۔ 12 جون کو افتتاحی روز لاہور کے مختلف گراونڈز میں چھ میچ کھیلے جائیں گے۔ ٹورنامنٹ کے کوارٹر فائنل 15 جون کو، 16 جن کو کوالیفائر جبکہ 17 جون کو فائنل میچ ایل سی سی اے گراونڈ لاہور میں کھیلا جائیگا۔