ایشین تھرو بال چیمپئن شپ 26 جولائی سے ملائیشیا میں شروع ہوگی
اسلام آباد (اے پی پی) ایشین تھروبال فیڈریشن کے زیراہتمام ایشین تھروبال چیمپئن شپ 26 جولائی سے ملائیشیا میں شروع ہوگی۔ ایشین تھروبال فیڈریشن کے سیکرٹری جنرل مقبول آرائیں نے بتایاکہ چیمپئن شپ کی تیاریاں زور و شور پر ہیں اور چیمپئن شپ میں ایشیائی ممالک کی ٹیمیں حصہ لے رہی ہیں۔ 25 جولائی کو چیمپئن شپ میں شرکت کرنے والی ٹیموں کے منیجرز کی میٹنگ ہوگی جس میں چیمپئن شپ کے قوانین کے بارے میں آگاہ کیا جائے گا اور چیمپئن شپ 29جولائی تک جاری رہے گی جس کے اختتام پر کامیابی حاصل کرنے والی ٹیموں کے کھلاڑی میں انعامات تقسیم کئے جائیں گے۔
