لاہور(نمائندہ سپورٹس) مشیر وزیر اعلیٰ پنجاب برائے سپورٹس اینڈ یوتھ افیئرز ملک عمر فاروق کا کہنا ہے انگلینڈ کے خلاف قومی ٹیم کی شاندار کامیابی ٹیم ورک کے نتیجہ ہے۔ قومی ٹیم انگلینڈ کے خلاف فتح پر مبارکباد کی مستحق ہے۔ انگلینڈ کو شکست دے کر قومی کرکٹ ٹیم نے ماہرین کے تمام اندازے غلط ثابت کر دیے۔ ایسے سنسنی خیز مقابلوں میں فتح ٹیم ورک کے بغیر نہیں ملتی۔عالمی کپ کی فیورٹ ٹیم کے خلاف کامیابی قوم کے لیے عید کا تحفہ ہے۔ اس کامیابی نے پاکستان کے شائقین کرکٹ کی عید ی خوشیوں کو دوبالا کر دیا ہے۔ امید ہے کہ قومی ٹیم آئندہ میچوں میں بھی عمدہ کھیل کا مظاہرہ کرے گی۔ملک عمر فاروق کا کہنا تھا کہ عالمی کپ مقابلوں کے دوران ہمیں کرکٹ ٹیم کو غیر ضروری تنقید کے بجائے سپورٹ کرنا چاہیے۔ عالمی کپ مقابلوں میں قوم کی دعائیں اور حوصلہ افزائی سے کرکٹرز کے اعتماد میں اضافہ ہوتا ہے۔ ہمیں اپنی ٹیم کے ساتھ کھڑا ہونا چاہیے۔