کوئٹہ (آن لائن، اے پی پی ، نوائے وقت رپورٹ) یہاں گاڑیوں میں دھماکے ہونے کے دو مختلف واقعات میں پانچ افراد جاں بحق جبکہ 10 افراد زخمی ہو گئے پہلا واقعہ زیارت میں پیش آیا جہاں تین افراد جاں بحق جبکہ چار افراد زخمی ہو گئے سرکاری ذرائع کے مطابق جمعہ کے روز بلوچستان کے علاقے میں زیارت خرواری بابا کے مقام پر سیاحوں کی گاڑی میں اچانک ایک زور دار دھماکہ ہوا جس کے نتیجے میں شبیر عباس، زین اللہ اور خدیجہ موقع پر ہی جاں بحق جبکہ چار زخمی پولیس اور سکیورٹی فورسز نے اطلاع ملتے ہی جائے وقوع پر پہنچ کر لاشوں اور زخمیوں کو فوری طور پر مقامی ہسپتال منتقل کر دیا جبکہ پولیس اور سکیورٹی فورسز نے علاقے کی ناکہ بندی کرکے مزید تفتیش شروع کر دی ہے درائع کے مطابق گاڑی میں گیس سلنڈر نصب ہونے کی وجہ سے زور دار دھماکہ ہوا سیاح عید منانے کراچی سے یہاں آئے تھے۔ دوسرا واقعہ زیارت کے علاقے کورس میں پیش آیا جہاں ایک گاڑی میں دھماکے میں دو افراد جاں بحق ہوگئے پیوند حکام کے مطابق دھماکے میں چھ افراد زخمی بھی ہوئے جن کو طبی امداد کیلئے ہسپتال منتقل کر دیا گیا ہے گاڑی میں سیاح سوار تھے جن کا تعلق کوئٹہ سے ہے اس طرح 2 گاڑیوں میں دھماکوں سے جاں بحق افراد کی تعداد 3 ہو گئی۔