لاہور (سپورٹس رپورٹر+نمائندہ سپورٹس)پاکستان کے سابق کپتان اور عہدساز فاسٹ بائولر و آل رائونڈر وسیم اکرم نے کہا ہے کہ بیٹنگ کے لحاظ سے سب ٹھیک ہے۔ بائولنگ میں بھی عامر ، وہاب اور شاداب نے بریک تھرو دلائے ہیں، یہ کامبی نیشن ٹھیک لگ رہا ہے۔انہوںنے کہاکہ ہر گیم اہم ہے، امید ہے انگلینڈ کی ٹیم کو جس طرح ہرایا اس سے حوصلے بلند ہوں گے،اور دوسری ٹیموں کے خلاف بھی ایسی ہی پرفارمنس پیش کی جائے گی۔ اچھی بات ہے کہ ہر گرائونڈ اور ہر میچ پر الگ طرح کی وکٹیں مل رہی ہیں،اپنی اسٹرینتھ کے مطابق کھیلیں، انھوں نے کہا کہ اگر وکٹ میں کریکس ہیں تو ٹرن ضرور ملے گا۔