اٹک(صباح نیوز) اٹک میں لارنس پور ریلوے اسٹیشن کے قریب ریلوے ٹریک پر 18 سالہ نوجوان ٹرین کی زد میں آ کر جاں بحق ہو گیا۔ عینی شاہدین کے مطابق نوجوان ٹریک پر سیلفیاں بنا رہا تھا ۔ریسکیو عملے کے مطابق لارنس پور ریلوے اسٹیشن کے قریب کامرہ کینٹ کے رہائشی 18 سالہ عمیر کا ٹرین کے قریب پہنچنے پر اچانک بھاگنے سے پائوں پھسل گیا جس کے باعث ٹرین کی زد میں آ کر شدید زخمی ہو گیا ، ابتدائی امداد کے بعد تشویشناک حالت میں پی اے سی ہسپتا ل کامرہ منتقل کیا گیا جہاں وہ زخموں کی تاب نہ لاتے ہوئے دم توڑ گیا ۔