جہانیاں(آن لائن)جہانیاں کے نواحی گاؤں چک 56دس آرمیں فٹ بال میچ کے دوران جھگڑا طول پکڑ گیا۔ فائر نگ سے ایک نوجوان جاں بحق ،چھڑوانے کیلئے آنے والا حساس ادارے کا ملازم شدید زخمی ہو گیا ۔تفصیل کے مطابق جہانیاں کے نواحی علاقہ چک56دس آر میں فٹ بال میچ کے دوران کامران اور اس کے بھائی کا نوید خان سے جھگڑا ہوا۔جس کابدلہ لینے کے لیے ملزم نوید خان نے اپنے دیگر ساتھیوں گل خان،عمرخان،کامران خان،عمران خان کے ہمراہ کامران اور اس کے ساتھیوں پر فائرنگ کردی۔پیٹ میں گولی لگنے سے نوجوان کامران خان جاں بحق ہوگیاجبکہ حساس ادارے کاملازم فضل حسین جو کہ لڑائی چھڑوانے گیا تھا سر میں کلہاڑی لگنے سے شدید زخمی ہو گیازخمی کوطبی امداد کے لئے ہسپتال منتقل کر دیا گیا۔ فضل حسین عید کی چھٹیوں پر گھر آیا ہوا تھا جبکہ مقتول کی لاش پوسٹ مارٹم کے بعد ورثاء کے حوالے کر دی گئی ۔