لاہور(سپورٹس رپورٹر) پاکستان ہاکی فیڈریشن کے حکام اور اولمپیئن فورم کے سربراہ منظور جونیئر کے درمیان آج ہونے والی میٹنگ ملتوی کر دی گئی ہے۔ پاکستان ہاکی فیڈریشن کی جانب سے اعلامیہ جاری کیا گیا ہے جس میں بتایا گیا ہے اولمپیئن منظور جونیئر کی اہلیہ کی بیماری کی وجہ سے ملاقات منسوخ کی گئی ہے۔ ظہرانے پر ہونے والی ملاقات کی نئی تاریخ کا جلد اعلان کیا جائے گا۔ پاکستان ہاکی فیڈریشن کے صدر بریگیڈئر (ر) خالد سجاد کھوکھر اور سیکرٹری جنرل پاکستان ہاکی فیڈریشن آصف باجوہ کا کہنا ہے کہ منظور جونیئر کی اہلیہ کی جلد صحت یابی کے لئے دعا گو ہیں۔