لاہور(سپورٹس رپورٹر+نمائندہ سپورٹس) پاکستان ہینڈ بال ٹیم ایشین بیچ ہینڈ بال چیمپئن شپ میں شرکت کیلئے چین روانہ ہو گئی۔ 15 سے 24 جون تک چیمپئن شپ ورلڈ بیچ گیمز 2019ء اور ورلڈ بیچ ہینڈ بال چیمپئن شپ 2020ء کا کوالیفائنگ راونڈ بھی ہے۔ چیمپئن شپ میں پاکستان ٹیم کو پول بی میں رکھا گیا ہے جو اپنا پہلا میچ 15 جون کو تھائی لینڈ کے خلاف کھیلے گی۔ دوسرا میچ 16 جون کو سعودی عرب کے خلاف، 17 مارچ کو اومان، 19 مارچ کو ایران جبکہ 20 جون کو جاپان کے مدمقابل ہونگی۔