لاہور(سپورٹس ڈیسک) پاکستان اور بھارت کے مابین تناؤ ایک مرتبہ پھر بڑھ گیا ‘ پاکستانی کمپنی کے اشتہار نے ماحول مزید گرما دیا ۔ اشتہار میں پاکستان کی جانب سے گرائے جانے والے بھارتی جنگی طیارے کے پائلٹ ابھی نندن کے حلیے والے شخص کو پیش کیا گیا ہے۔اشتہار میں اداکار جس کی مونچھیں ابھی نندن جیسی ہیں اور وہ بھارتی کرکٹ سے مشابہ جرسی پہنے تفتیشی ویڈیو میں دکھایا گیا ہے ۔ ابھی نندن ہر سوال کا جواب دینے سے انکار کرتے دکھائی دیتے ہیں ویسے ہی یہ اداکار بھی یہی ورلڈ کپ میں بھارتی ٹیم سے متعلق ہر سوال کے جواب میں یہی کہتا ہے کہ ’یہ میں آپ کو نہیں بتا سکتا۔آخر میں وہ چائے کو عمدہ قرار دیتا ہے اور جا کپ سمیت روانہ ہونے لگتا ہے تو سوال کرنے والا اس سے کہتا ہے کہ ’کپ چھوڑ کر جاؤ۔ویڈ یو پر بھارتی صارفین نے ناراضگی کا اظہار کیا ہے ۔