لاہور(سپورٹس رپورٹر+نمائندہ سپورٹس)لاہور ریجن کرکٹ ایسوسی ایشن کی ایگزیکٹو کمیٹی کا خصوصی اجلاس صدر شاہ ریز عبداللہ خان روکھڑی کی زیر صدارت ہوا۔ اجلاس میں ایگزیکٹو کمیٹی کے دیگر ممبران وسیم انور، احمد ایاز خان، مسعود انور ، چیف سلیکٹر لاہور ریجن حفیظ الرحمن اور جی ایم میڈیا لاہور ریجن عابد حسین نے شرکت کی۔ اجلاس میں مرحوم ٹیسٹ امپائر ریاض الدین کے لیے دعائے مغفرت اور بلند درجات کے لیے دعا کی گئی۔ صدر لاہور ریجن شاہ ریز عبداللہ خان روکھڑی کا کہنا تھا کہ ریاض الدین کی کرکٹ میں خدمات کو ہمیشہ یاد رکھا جائے اور غم کی اس گھڑی میں ہم ریاض الدین کے سوگوران کے ساتھ برابر کے شریک ہیں۔انہوں نے جلد ریاض الدین مرحوم کے نام کرکٹ ٹورنامنٹ منعقد کرانے کا بھی اعلان کیا ہے۔