مانچسٹر(سپورٹس رپورٹر) مانچسٹرمیں پاکستانی کونصلیٹ میں ویلفیئر کمیونٹی اتاشی فضہ نیازی کا کہنا تھا کہ مانچسٹر میں موجود پاکستانی کمیونٹی اپنی ٹیم کی کامیابی کیلئے دعا گو ہے۔ امید کرتی ہوں پاکستانی ٹیم بھارت کے خلاف میچ میں اچھا کھیل پیش کر کے کامیابی حاصل کرے گی۔دونوں ٹیموں کا کسی بھی بڑے ایونٹ میں جب بھی مقابلہ ہوتا ہے اس کیلئے شائقین میں بہت زیادہ جوش و جذبہ پایا جاتا ہے۔ دونوں ٹیموں کے درمیان شائقین کرکٹ کو ایک اچھا مقابلہ دیکھنے کو ملے گا۔ میری تمام دعائیں پاکستانی ٹیم کے ساتھ ہیں۔ اس میچ کو دیکھنے کیلئے خود فیملی کے ساتھ سٹیڈیم جاوں گی اور کھلاڑیوں کی حوصلہ افزائی کرینگی۔