فیصل آباد (آن لائن) بس اور ٹریکٹر ٹرالی کی ٹکر سے دو نوجوان جاں بحق جبکہ، 3 افراد زخمی ہوگئے۔ تفصیلات کے مطابق شیخوپورہ روڈ پر تیز رفتار بس کی ٹکر سے 49 سالہ محمد افضل موقع پر ہی دم توڑ گیا۔ جبکہ سمندری سے اوکاڑہ روڈ بائی پاس کے قریب ٹریکٹر ٹرالی نے موٹر سائیکل سوار افراد کو کچل دیا جس کے نتیجہ میں 25 سالہ سجاد موقع پر ہی جان کی بازی ہار گیا۔ جبکہ 30 سالہ شناور اور 18 سالہ بابر زخمی ہوگئے۔ تیسرے حادثہ میں کار کی ٹکر سے میراں والا بنگلہ کے قریب 45 سالہ جعفر زخمی ہو گیا جسے تشویشناک حالت میں ہسپتال داخل کرایا گیا۔